मी मेट्रोने निघालोय
तुम्ही या लोकलने
माझी मुलं जातील कानव्हेंटला
तुम्ही घाला सरकारी शाळेत
मी माॅलमध्येच शाॅपींग करतो
तुम्ही जा बाजारात
पिझ्झा बर्गरची मजा काही औरच
तुम्ही मारा मिसळपाववर ताव
मी कॅशलेस सोसायटीचा मेंबर
तुमच्या खिशात चिल्लर खुर्दा
आय लव इंडिया
तुम्ही करा स्वच्छ भारत
माझी गुंतवणूक शेअर्स , बाॅड , डीमॅट द्वारे
तुम्ही करा बचत एफ डी , सेव्हींग खाते काढून
मान्य आहे तुमचा माझा अंतिम मुक्काम एकच
मी अम्ब्ल्युलन्स मध्ये तुम्ही चौघांच्या खांद्यावर
No comments:
Post a Comment