राहिबाई

राहीबाईने पाडयावर झोपडीशेजारी शौचालय बांधले

ती स्वच्छतादूत झाली

आता राहीबाई चॅनलवर दिसतेय

स्वच्छ भारताची आयडाॅल म्हणून

तिच्या झोपडीसमोर बाईटसाठी कॅमेरामन उभा आहे

चुलीतला जाळ नाकातोंडात जातो आहे

तो धुराचे लोट पकडतो कॅमे-यात

राहीबाई नव्वद सेकंद लाईव्ह

तिचा पाडा कायमचा ऑफलाईन

एवढं खपून घर बांधता येत नाही

जगायची काही सोय नाही

आणि

ते

हागायची सोय केली म्हणून राहीबाईवर कॅमेरे उगारताहेत

राहीबाईला न्यूज व्हॅल्यू देणा-या सरकारची

ती लाभार्थी

शंकर बो-हाडे