मंञी म्हणाले
कर्ज माफी तत्त्वतः मान्य
बळीराजा सुखावला
नंतर
अटी शर्थी लागू
काॅल सेंटरवरची बाई म्हणाली
रोज एक जीबी डाटा
इनकमिंग आऊट गोइंगी फ्री
नंतर म्हणाली ,
अटी शर्थी लागू
बॅक मॅनेजरला म्हटलं
जनधनचं खातं काढायचं आहे
मॅनेजर माझ्याशी सटरफटर बोलला
नंतर म्हणाला ,
अटी शर्थी लागू
मैञिणीला म्हटलं
चल बागेत जावू , हॉटेलात जेवू
थोडी जवळ ये
( खूप दिवसांनी ती चक्क लाजली )
नंतर म्हणाली ,
अटी शर्थी लागू
बायकोला म्हटलं
थोडासा रुमानी हो जाये
आज काही खास होवून जाऊ दे
ती ही म्हणाली ,
अटी शर्थी लागू
मोकळा श्वास घ्यायचा
अटी शर्थी लागू
आनंदाने जगायचे
अटी शर्थी लागू
मरण तरी
अटी शर्थी विना मिळो
शंकर बो-हाडे
No comments:
Post a Comment